A jiya Asabar 14 ga wata, gidan talebijin na kasar Syria ya ba da labarin cewa, an kai harin boma-bomai da aka dasa cikin mota kan birnin Kameshli dake arewa maso gabashin, wanda ya yi sanadiyyar mutuwar mutane 5 a wannan rana.

An kai harin ne a wata tashar bincike ta rundunar sojan kiyaye jama'ar kurdawa dake birnin Kameshli. Kamfanin dillancin labaru na Syria ya ba da labari dangane da haka, amma kawo yanzu ba a san kowane ne ya kai wannan hari ba.

Yawan kurdawa ya kai kashi daya bisa goma na yawan mutanen Syria, yawancinsu suna zama a yankin iyakar kasa tsakanin arewacin Syria da Iraki da kuma Tukiyya, kuma birnin Kameshli da aka kai hari a wannan karo matsugunin kurdawa ne.

A wannan rana kuma, an kai harin boma bomai da aka dasa cikin mota a jihar Deir ez-Zor dake gabashin kasar, amma ya zuwa yanzu babu wata masaniya kan yawan mutanen da suka mutu ko jikkata ba.(Fatima)