Wasu kungiyoyi mambobin kawancen 'yan adawa na jamhuriyar demokaradiyar Congo, musamman G7 da gamayyar kishin kasa, sun bayyana a ranar Jumma'a fara ayyukan zanga-zanga na gama gari a dukkan fadin kasar domin tilasta gudanar da zabuka bisa wa'adin kundin tsarin mulkin kasa. Hakan ya biyo bayan wata sanarwar siyasa da suka yi a birnin Kinshasa inda shugabannin adawar suka jaddada kin amincewarsu na ganin shugaba Joseph Kabila ya ci gaba da tsayawa kan mulkin bayan wa'adinsa dalilin rashin gudanar da zabuka a wannan shekara kamar yadda alkalan kotun kolin kasar suka bayyana. (Maman Ada)