in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Togo: Shigar da matasa cikin kokarin karfafa tsaron kasa
2016-05-09 10:22:06 cri
Shugaban kwamitin matasa (CNJ) a kasar Togo, Regis Batchassi, ya bukaci a ranar Lahadi cewa an shigar da matasa cikin kokarin gwamnati domin karfafa tsaron jama'a.

Da yake hira da gidan talabajin kasar Togo (TVT) a ranar Lahadi, mista Batchassi ya bada wasu shawarwari domin karfafa tsaron jama'a a kasar Togo, bisa tsarin shirin shigar da matasa wajen karfafa tsaron jama'a a kasar Togo.

Wadannan shawarwari suna da nasaba da karfafa karfin 'yan sanda na kusa da jama'a, lamarin da zai taimakawa wajen kusanto jami'an 'yan sanda da al'umma, yawaita rundunonin tsaro, da kuma kara samar da kayayyakin aiki ga jami'an tsaro.

Haha kuma ya bayyana cewa matakin 'yan sanda na kusa da jama'a na cikin tsarin sake gina jami'an tsaro na matakai daban daban, da shugaban kasa Faure Gnassingbe yake maida hankali a kai.

Shirin na baiwa jami'an tsaro wato 'yan sanda da jandarma da suke tare da al'umma ko da yaushe, damar yadda zasu kara kusantar al'umma, domin suka kasance "'yan sanda na al'umma" in ji mista Batchassi.

Ya kara da cewa, idan suna kusa da al'umma musammun ma matasa, wadannan 'yan sanda za su yi saurin samun bayanai a lokacin da tsaro zai fuskanci wata barazana. (Maman Ada)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China