Kamfanin Huawei na kasar Sin dake kasar Uganda ya daddale takardar fahimtar juna ta hadin gwiwa tare da ma'aikatar harkokin sadarwa ta Uganda a ranar 5 ga wata, don kara hadin gwiwarsu a fannin sadarwa. Ministan harkokin sadarwa na Uganda John Nwoono Nasasira ya bayyana cewa, gwamnatin kasar Uganda tana fatan za a kara yin hadin gwiwar a fasahohin sadarwa tare da kasar Sin.

A wannan rana, an bude bikin nuna fasahohin kamfanin Huawei a birnin Kampala babban birnin kasar Uganda, inda ministan ya bayyana cewa, a shekarun baya baya nan, Sin da Uganda sun samu nasara kan hadin gwiwar a fannin sadarwa. Ana gudanar da aikin hada yanar gizo a kasar Uganda wanda gwamnatin kasar Sin ta samar da rancen kudi kuma kamfanin Huawei na Sin dake kasar Uganda ya dauki nauyin gudanarwa don cimma burin kafa yanar gizo a babban birnin kasar da manyan yankunan kasar, aikin da yanzu ya kai ga mataki na uku. Bayan da aka gama aikin, za a sa kaimi ga yin mu'amala a tsakanin hukumomin gwamnatin kasar Uganda, da kananan hukumomin gwamnatin kasar, da kyautata ayyukan gwamnatin kasar ta fannin bautawa jama'a da dai sauransu. (Zainab)