Mista Ban ya furta hakan ne a cikin wani sakon da ya gabatar na zagayowar ranar wasanni ta MDD don bunkasa zaman lafiya wanda ake gudanarwa a duk ranar 6 ga watan Afrilu na kowace shekara.
Mista Ban, ya bayyana wasanni a matsayin hanyar dake samar da gagarumin sauyi a fannin zamantakewar al'umma.
Ya kara da cewar, wasannin na kara lafiya, da zaman lafiya, da fahimtar juna da kwanciyar hankali, sannan yana taimakawa wajen ci gaba da samar da daidaito, da samar da ayyukan yi ga mata da 'yan mata da masu bukata ta musamman, kuma babbar hanya ce ta samar da ilmi mai inganci a makarantu, da tabbatar da hadin kai.(Ahmad Fagam)
