Bisa labarin da kafofin watsa labaru na kasar Cyprus suka bayar, an ce, an yi fashi da wani jirgin sama na kamfanin jiragen saman kasar Masar a yau Talata, yanzu jirgin saman ya sauka a filin jiragen saman Larnaka dake kudu maso gabashin kasar Cyprus.

Labarin ya kara da cewa, samfurin jirgin saman shi ne Airbus 320, ya kamata ya tashi daga birnin Alexander zuwa Alkahira na kasar Masar, inda akwai fasinjoji da ma'aikata kimanin 60 a cikin jirgin. (Zainab)