Ministar ma'aikatar kudi a tarayyar Najeriya Kemi Adeosun, ta ce za a samar da kudaden da yawan su ya kai naira biliyan 350, kwatankwacin dalar Amurka biliyan 1 da miliyan dari 7, domin zaburar da tattalin arzikin kasar.

Adeosun ta bayyana hakan ne a jiya Talata, yayin zantawar ta da 'yan jaridu, bayan kammala taron tattaunawa na yini biyu, na majalissar tattalin arzikin kasar.

Ta ce da zarar an rattaba hannu kan dokar kasafin kudi ta bana, za a fara sakin kudin domin raya harkokin da zasu daga matsayin tattalin arzikin Najeriya.(Saminu Alhassan)