An kaddamar da aikin shirya wasan gudun ya da kanen wani karo na biyu na Millennium Marathon a birnin Accra na kasar Ghana a ranar Litinin da ta gabata, wasan da a kan gudanar da shi a kasashen Afirka, don nuna goyon baya ga kokarin samun zaman lafiya da lafiyar jikin jama'ar kasashen nahiyar.

Wasan wannan shekara an sanya masa taken 'Afirka dake kokarin gudu' don tallafawa shirin MDD na SDG, wato burin samun ci gaba mai dorewa.

An ce wannan gagarumin wasa da zai gudana a ranar 3 ga watan Satumba, zai janyo hankalin 'yan wasa fiye da 40,000 daga kasashe daban daban, wadanda za su nuna kwarewarsu.

Sa'an nan wanda ya zama na farko a cikin 'yan wasan zai iya samun kyautar kudin da yawansu ya zarce dalar Amurka 150,000.（Bello Wang）