Shugaban hukumar agajin gaggawa ta jihar Borno Satomi Ahmad, ya bayyana cewa, wasu mata 'yan kunar bakin wake guda biyu ne suka shiga sansani kana suka tayar da bam din da ke jikinsu a lokacin da 'yan gudun hijirar ke layin karbar abinci.
Hukumar ta sanar da cewa, an garzaya da wadanda suka jikkata zuwa asibitocin da ke yankin.
Sai dai babu wata kungiya da ta dauki alhakin kai harin, amma mazauna sansanin na zargin kungiyar Boko Haram da kaddamar da wannan harin, inda a halin yanzu ta fadada hare-haren da ta ke kaiwa zuwa yankuna tafkin Chadi. (Ibrahim)
