Jakadan kasar Sin dake kasar Senegal Zhang Xun ya bayyana cewa, kwalejin Confucius na jami'ar Dakar ya kasance wata muhimmiyar kafa ga matasan kasar wajen kara fahimtar harkokin kasar Sin da koyon al'adunta.
Ya kuma yi imani cewa, ginin koyarwa da aka gina zai taimaka matuka wajen kyautata yanayin koyarwa na kwalejin Confucius, ta hanyar samar da yanayin mu'amalar al'adu mai kyau a tsakanin Sin da Senegal.
Bugu da kari, jakada Zhang ya ce, a nan gaba, kasar Sin za ta ci gaba da dukufa wajen ciyar da mu'amalar dake tsakanin al'ummomin kasashen biyu gaba, domin karfafa fahimtar juna a tsakanin kasashen biyu, da ba da taimako ga bunkasuwar al'adu da harkar koyarwa a kasar Senegal. (Maryam)
