Ramires, wanda ya fara wasa da kulub din na Chelsea a shekarar 2010 a kan kudi fam miliyan 18, yanzu haka ya rattaba hannu kan wata sabuwar kwantiragi ta tsawon shekaru hudu tun a watan Oktoba.
Dan wasan mai shekaru 28 da haihuwa dan asalin kasar Brazil, shine zai kasance dan wasan kwallon kafa mafi tsada a kasar Sin da zai yi aiki da kulub din na kasar Sin da zarar an kammala daddalewa kan yarjejeniyar.
Ramires, shi ne zai zama karkashin kulawar tsohon dan wasan tsakiyar Chelsea din Dan Petrescu dan kasar Romaniya, wanda ke horar da 'yan wasan kulub din Jiangsu tun a watan Yulin shekarar data gabata.(Ahmad Fagam)