Sabon shugaban kasar Burkina Faso, mista Roch Marc Christian Kabore ya yi alkawari a cikin jawabinsa na bikin shiga sabuwar shekara, na gudanar da shirin aikinsa na al'umma domin kyautata zaman rayuwar al'ummar kasa. A cewar shugaba Christian Kabore, wannan shekara ta 2016 ta fara tare da fatan alheri na ganin an cimma manyan sauye sauye, musammun ma a cikin rundunar sojojin kasar, gwamnati, hukumomin kasa, har ma da kafa wani kundin tsarin mulki na jamhuriya ta biyar domin zamanintar da hukumomin gwamnatin kasar baki daya. (Maman Ada)