in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Jirgin saman yakin kasar Rasha ya lalata sansanonin ajiye man fetur biyu na 'yan ta'adda dake kasar Syria
2015-12-24 11:18:39 cri
Kakakin ma'aikatar harkokin tsaron kasar Rasha Igor Konashenkov, ya bayyana cewa, a kwanakin baya jirgin saman yaki na kasar Rasha, ya lalata sansanonin ajiye man fetur biyu, da sansanin horaswa daya na 'yan ta'adda dake kasar Syria.

Konashenkov ya bayyana wa 'yan jarida hakan a jiya Laraba, yana mai cewa jirgin saman yakin na Rasha ya lalata sansanonin ajiye man fetur biyu, da na'urorin hakar man fetur uku na 'yan ta'adda a yankin Deir ez-Zor dake kasar Syria, a farmakin da ya kai ranar 22 ga watan nan. Ya ce Jirgin saman yakin na Rasha zai ci gaba da kai hari ga wuraren da ake gudanar da ayyukan hakar man fetur na 'yan ta'adda dake kasar Syria.

Konashenkov ya kara da cewa, jirgin saman yakin na Rasha ya kuma lalata wani sansanin horar da 'yan ta'adda dake jihar Idleb ta kasar Syria a dai ranar ta 22 ga wata.

Ban da wannan kuma, Konashenkov ya ce, jirgin yakin ya yi sawu fiye da 300 a cikin kwanaki biyar, inda ya kai farmaki a wurare 1093 dake Aleppo, da Idleb, da Deir ez-Zor, da Hama, da Homs da dai sauransu, duka a kasar ta Syria. (Zainab)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China