A yayin ganawar ta su, Shugaba Xi ya bayyana cewa, an cimma matsaya daya tsakanin sa da shugaban kasar Rasha mista Putin, game da zurfafa dangantakar abokantaka bisa manyan tsare tsare a duk fannoni tsakanin kasashen Sin da Rasha. Kuma ya jaddada cewa, kamata ya yi kasashen biyu su kara kokari wajen nazari game da sabuwar hanyar yin hadin gwiwa tsakaninsu.
A nasa bangare, mista Medvedev ya bayyana cewa, Rasha na fatan kara yin mu'amala da hadin gwiwa da Sin kan harkokin duniya, da karfafa hadin gwiwarsu a fannoni daban daban bisa tsarin SCO da na AIIB.(Fatima)
