Kakakin ma'aikatar harkokin waje na kasar Sin Lu Kang, ya sanar a yau Litinin cewa, bisa gayyatar da shugaban kasar Turkiyya Recep Tayyip Erdogan ya yi masa, shugaban kasar Sin Xi Jinping zai halarci taron koli karo na 10, na kungiyar G20 a birnin Antalya na kasar Turkiyya, taron da zai gudana tsakanin ranekun 14 zuwa 16 ga watan nan na Nuwamba.
Ban da haka kuma, bisa gayyatar da shugaban kasar Philippines Benigno Aquino III ya yi, Xi Jinping zai halarci kwarya-kwaryar taro karo na 23, na shugabannin kungiyar APEC daga ranar 17 zuwa ranar 19 ga wata a birnin Manila na kasar Philippines.(Lami)
