Babban kwamandar rundunar mai kula da bataliya ta 28 dake Mubi a cikin jihar Manjo Janar V.O.Ezugwu ya shaida ma manema labarai ta wayar tarho cewa an samu wannan nasara ne a ranar talatan wannan makon a lokacin wani arangama da 'yan kungiyar a karamar hukumar na Madagali.
Janar Ezugwu ya ce fiye da shanu 100 aka kwato da bindogogin AK47 guda 2, da gurneti 6, da bindigogi masu sarrafa kansu guda 2 da baburan hawa 18 daga hannun 'yan kungiyar da suka tsere.
Ya tabbatar da cewa nan take aka lalata baburan sannan ya yaba ma kokarin 'yan banga dake yankin saboda irin gudunmuwa da hadin kai da suka ba sojojin.
Kungiyar ta boko haram dai kwanan nan ta kai hari a wassu kauyuka dake garin na Madagali.(Fatimah Jibril)
