Tattaunawar ta kwararrun harkokin soja ta maida hankali musammun ma kan aiwatar da ayyukan tsaro na hakika, in ji Pentagone. An samu nasarori a yayin wannan tattaunawar bidiyo ta tsawon mintoci 90, in ji Pentagone, tare da kara cewa Amurka ta amince ta gudanar da wata tattaunawa tare da Rasha nan da dan lokaci mai zuwa.
Wannan tattaunawa ta baya baya ta zo kwanaki tara bayan wata tattuanawa ta farko tsakanin jami'an tsaron kasashen biyu.
Wadannan shawarwari sun maida hankali kan warware sabanin da kasashen biyu suke da shi a Syria, musammun ma kan musanyar bayanai domin kaucewa hadura a sararin sama a yayin da bangarorin biyu suke gudanar da ayyukan kai hare hare ta sama kan kungiyar IS. (Maman Ada)
