Tawagar wanzar da zaman lafiya ta MDD dake jamhuriyyar demokaradiyar Congo ta kaddamar a baya bayan nan da wasu kebabbun hare hare tare da taimakon jirage masu saukar ungulu da kuma wasu sojojin musammun, kan kungiyoyin dake dauke da makamai a Pinga dake arewacin Kivu, a gabashin kasar. A cewar hukumomin Monusco, wannan samame da aka kai a ranar 5 ga watan Oktoba ya shafi musammun ma kauyukan Minova da Musunga, dake yankin Walikale, inda kungiyoyi masu dauke da makamai suka haddasa gudun hijirar fararen hula tare da kona muhallin jama'a da dama. (Maman Ada)