A jiya Laraba a babban masaukin baki na Diaoyutai, firaministan kasar Sin Li Keqiang ya gana da shugaban kasar Rasha wanda ya kawo ziyara a nan kasar Sin domin halartar bikin tunawa da cika shekaru 70 da cimma nasarar yakin kin harin Japan.

Mr. Li Keqiang ya bayyana cewa, huldar abokantaka dake tsakanin kasashen Sin da Rasha bisa manyan tsare-tsare ta samu bunkasuwa cikin yanayi kyau, kasashen biyu sun taimakawa juna a fannin tattalin arziki, kuma suna da makoma mai kyau wajen yin hadin gwiwa a nan gaba.

A nasa bangare, Vladimir Putin ya ce, kasashen Sin da Rasha sun yi imani da juna a fannin siyasa, kuma suna cimma matsaya daya kan manyan batutuwan kasa da kasa ciki har da sakamakon da aka samu wajen yaki da ra'ayin nuna karfin tuwo a duniya.(Lami)