Wani sabon faifan murya da shugaban Boko Haram Abubakar Shekau ya fitar a jiya Lahadi ya ce, yana nan da ransa bai mutu ba, kuma har yanzu shi ne jagoran kungiyar.

Shekau ya kuma karyata ikirarin da sojojin Najeriya suka yi cikin faifan na tsawon mituna takwas cikin harshen Hausa cewa, sun kashe shi kuma an maye gurbinsa a matsayin shugaban kungiyar.

Tun a watan Maris rabon a ga Shekau din a faya-fayen bidiyon da kungiyar ta Boko Haram da saba fitarwa, batun da ya haifar da shakkun cewa, watakila an kashe shi ko kuma wasu sun maye gurbinsa. (Ibrahim)