A jiya ne babban sakataren MDD Ban Ki-moon ya bayar da sanarwa ta hannun kakakinsa inda ya yi Allah wadai da harin da kungiyar Al Shabaab ta kai kan otel din Al-Jazeera da ke birnin Mogadishu na kasar Somaliya.

Sanarwar ta bayyana cewa, harin ya haddasa mutuwar mutane da raunatar mutum daya, baya ga wasu ofisoshin jakadancin kasashen waje da ke cikin otel din da suka lalace. Ban Ki-moon ya jajantawa iyalan mutanen da suka mutu a sakamakon harin,tare da fatan samun sauki cikin hanzari ga wadanda suka ji rauni .

Hakazalika kuma, sanarwar ta ce, wannan hari ba zai hana MDD da sauran kasashen duniya su taimakawa gwamnati da al'ummar Somaliya wajen samun makoma mai zaman lafiya ba. (Zainab)