Magajin garin Rage Celle Yusuf Haji Mohamod wanda ya tabbatar da hakan ga manema labarai ya ce, fadan na ranar Litinin wanda ya faru a gundumar Rage Celle da ke kudancin kasar ta Somaliya ya kuma yi sanadiyar rayukan sojoji biyar da fafaren hula guda biyu.
Bugu da kari, mazauna yankin sun tabbatar da cewa, fadan da aka kwashe sa'o'i biyu da rabi ana gwabzawa, ya jikkata fararen hula da dama, baya ga wasu da suka bar gidajensu.
Sai dai bayanai daga yankin na cewa, yanzu al'amura sun daidaita bayan da dakarun gwamnati da na kungiyar tarayyar Afirka ko AMISOM suka yi nasarar fatattakar mayakan na Al-Shabaab.(Bello)
