Shugaban zaunannen kwamitin majalisar wakilan jama'ar kasar Sin ta NPC Zhang Dejiang, ya gana da shugaban kasar Rasha Vlładimir Putin a ranar Talata a birnin Moscown kasar Rasha, kana ya halartar halarci taron kwamitin hadin gwiwar majalisun dokokin Sin da Rasha. Kaza lika Mr. Zhang ta zanta tare da shugaban kwamitin tarayyar kasar Rasha Valentina Matviyenko, da shugaban majalissar wakilan kasar Sergey Naryshkin.

Yayin ganawar sa da shugaba Putin, Zhang Dejiang ya bayyana cewa, makasudin ziyararsa a wannan karo shi ne aiwatar da ayyukan da shugabannin kasashen Sin da Rasha suka cimma daidaito a kan su, da inganta hadin gwiwar dake tsakanin hukumomin tsara dokoki na kasashen biyu, da sa kaimi ga hadin gwiwa tsakanin su a dukkan fannoni, don samun bunkasuwa da farfadowa tare.

A nasa bangare, Putin ya bayyana cewa, kasar Rasha ta dora muhimmanci sosai kan dangantakar abokantaka tsakanin ta da Sin a dukkan fannoni, kana yana fatan za a kiyaye mu'amalar dake tsakanin sassan biyu, da kuma marawa juna baya, da fadada hadin gwiwa don daga dangantakar kasashen zuwa wani sabon matsayi. (Zainab)