Zedi Feruzi wanda ke jagorantar jam'iyyar UPD-Zigamibanga, na shugabantar zanga zangar adawa da batun takarar shugaban kasar ta Burundi Pierre Nkurunziza, wanda ke neman a sake zabensa a karo na uku.
Jam'iyyar UPD-Zigamibanga dai bangare ce ta hadaddiyar kungiyar masu fatan ganin an gudanar da gyare-gyare ga tsarin demokuradiyya a kasar, wadda ta hada da wasu jam'iyyun adawa, da kuma kungiyoyin jama'a.
Tun dai bayan zanga-zangar da ta gudana a ranar 26 ga watan Afrilun da ya shude ya zuwa yanzu, sama da mutane 25 sun rasa rayukansu, a tashe-tashen hankula dake aukuwa a kasar ta Burundi. (Fatima)
