Wata sanarwar da aka fitar bayan taron hukumar kula da harkokin siyasa na kwamitin tsakiya na JKS wanda babban sakataren kwamitin tsakiya na JKS Xi Jinping ya shugabanta ta bayyana cewa, kamata ya yi a mayar da hankali kan wannan matsalin lamba, bullo da matakan da suka dace a dauka, bullo da manufofi da daukar matakai a kan lokaci don tabbatar da dorewar wannan bunkasuwa.
Bugu da kari, taron ya yi alkawarin ganin ci gaban manufofin da suka shafi tattalin arzikin cikin gida da hanzarta aiwatar da gyare-gyare da bude kofa don samun ci gaba mai dorewa.
Daga karshe taron ya bayyana cewa, har yanzu guraben ayyukan yi a cikin watanni uku na farkon shekara na nan kamar yadda ake fata kana kudaden shiga da magidanta ke samu na ci gaba da karuwa. (Ibrahim)
