Tsohon firaministan kasar Australiya Kevin•Rudd, ya gabatar da ra'ayinsa game da makomar bunkasuwar tattalin arzikin Sin. Inda ya ce, nan da shekaru 10 masu zuwa, tattalin arzikin Sin zai samu karin matsakaici, ko saurin bunkasuwa. Kevin-Rudd wanda kwararre ne a fannin tattalin arziki, ya shaidawa taron manema labaru a cibiyar nazarin batutuwan duniya na Shanghai cewa, a yanzu haka ko da yake ba a samu saurin ci gaba ba a fannin raya tattalin arzikin Sin, amma bai amince da ra'ayin cewa tattalin arzikin kasar ta Sin na kan hanyar durkushewa ba.

Ya ce, yayin da ake cin karo da tangal-tangal a bangaren tattalin arzikin Sin, kasar na da manufofin kudi da dama da za ta dauka, don tabbatar da karuwar tattalin arziki, da yawansa ya kai sama da kashi 6 cikin 100.

Kevin Rudd ya kara da cewa, yanzu haka Sin na kara kwarjininta ta hanyar yin hadin gwiwar tattalin arziki da ragowar kasashen duniya, kuma shirin ziri daya hanya daya, da tunanin game da bankin AIIB, za su taimakawa kasar zama wata babbar abokiyar zuba jari ga sauran kasashen duniya, kuma kudinta na RMB zai kara yin tasiri a duniya. Kaza lika kasar ta Sin ba ta da aniyar haifar da kalubale ga tsarin duniya, ko doka da oda, abun da take fata bai wuce gudanar da garambawul ba. (Bako)