in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
CRCC ya daddale manyan yarjejeniyoyin gine-gine a nahiyar Afirka
2015-04-28 10:48:04 cri
Sashen Afirka na kamfanin CRCC na kasar Sin, ya daddale yarjejeniyar gina layin dogo a jihar Ogun dake tarayyar Najeriya, da yarjejeniyar ginin wasu gidaje a kasar Zimbabwe, ayyukan da zasu lashe zunzurutun kudi har dalar Amurka biliyan 5.5.

Mataimakin shugaban sashen Afirka na kamfanin CRCC Cao Baogang ne ya tabbatar da hakan, yana mai cewa tsawon layin dogon da zasu gina a jihar Ogun dake Kudu maso Yammacin Najeriya, ya kai kilomita 334, kuma za a gudanar da aikin bisa ma'aunin fasahar gine-gine na kasar Sin, kana saurin jirgin kasa da zai yi zirga-zirga a layin dogon zai kai kilomita 120 a kowace sa'a.

Da yake karin haske game da aikin layin dogon, shugaban kamfanin CRCC Meng Fengchao, ya ce aikin ya hada da layin dogo tsakanin Abuja zuwa Kaduna, da hanyoyin jiragen kasa na cikin birnin tarayya Abuja, da hanyoyin jiragen kasa na Lagos, wadanda gaba daya za su kasance tsarin hanyoyin jiragen kasa mai inganci, aikin da kuma zai tallafa ga raya yankunan kasar, da bunkasuwar tattalin arzikin ta a nan gaba.

Game da aikin gina gidaje a kasar Zimbabwe kuwa, mahukuntan kamfanin na CRCC sun bayyana cewa, aikin zai shafi birane da garuruwan kasar 12, kuma za a gina sabbin gidaje 22,652, a wani mataki na kyautata rayuwar jama'ar kasar kimanin su dubu 100, cikin babban shirin inganta rayuwar jama'a na gwamnatin kasar ta Zimbabwe. (Zainab)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China