Da misalin karfe 10 da minti 49 na safiyar Juma'ar nan ne, bisa agogon kasar Sin, jirgin kasa mafi sauri na farko, mai lamba D2703 ya tashi daga birnin Lanzhou zuwa birnin Urumqi na yammacin kasar Sin, matakin da ya bayyana bude hanyoyin jiragen kasa mafiya sauri, da za su rika zirga-zirga tsakanin layin dogo mafi tsawo da aka gina a karo guda.

Rahotanni dai sun tabbatar da cewa wannan layin dogo da aka gina a yankunan tuddan kasar Sin, su ne irin su na farko a dukkanin fadin duniya. Yanzu haka dai lardunan Gansu, da Qinghai, da jihar Xinjiang sun shiga jerin yankunan kasar Sin dake amfani da jiragen kasa mafiya sauri.

Kaza lika bude wadannan hanyoyi na jiragen kasa mafiya sauri tsakanin birnin Lanzhou da jihar Xinjiang, ya kawo karshen rashin sifirin jiragen kasa tsakanin biranen Urumqi da Xi'ning.

An ce, tsawon hanyoyin jiragen kasan mafiya sauri tsakanin Lanzhou da jihar Xinjiang, ya kai kilomita 1776, an kuma fara ginin su ne a watan Janairun shekarar 2010. (Zainab)