Shugaba Omar al-Bahsir na Sudan ya sake lashe zaben shugaban kasar da aka yi da kashi 94.5 cikin dari, lamarin da ya sake ba shi damar shugabantar kasar.

Shugaban hukumar zaben kasar (NEC) Mukhtar al-Asam wanda ya bayyana hakan yau yayin taron manema labarai ya ce, shugaba al-Bashir ya samu kuri'u 5,252,478 cikin kuri'u 6,091,412 da aka kada, yayin da Fadi Elsid Shuaib ya zo na biyu da kashi 1.43 cikin 100 na kuri'un da aka kada.

A zaben na wannan karo shugaba al-Bashir ya fafata da 'yan takara 15 ne inda wasu daga cikin suka wakilci kananan jam'iyyu, yayin da wasu kuma suka tsaya a matsayin indifenda.

Sai dai ba kamar zaben shekarar 2010 ba, a wannan zaben manyan jam'iyyun adawa sun kaucewa zaben. (Ibrahim)