Jiya Litinin, aka kaddamar da ba da darasi a kwalejin confucius da kejami'ar Moi ta kasar Kenya, a birnin Eldoret dake jihar Uasin Gishu ta yammacin kasar,wadda aka kafa ta bisa hadin gwiwar jami'ar Donghua ta kasar Sin . Kwalejin kuwa ta zama tafarko da za ta koyar da bangaren aikin masaka da dinkin tufafi a yankin gabashin nahiyarAfrika.

Karamin jakadan ofishin jakadancin Sin dake kasar Kenya Yao Ming, da Zhu Min, babban sakataren jam'iyyar kwaminis ta kasar Sin da ke jami'ar DongHua, da Mandaga, gwamnan jihar Uasin Gishu, gami da Mibe, shugaban jami'ar Moi sun halarci bikin bude kwalejin.

Bangarorin biyu sun yi imani cewa, a karkashin hadin gwiwa daga gwamnatocin kasashen biyu da masana'antunsu, kwalejin confucius ta jami'ar Moi za takawo babbar dama ga sana'o'in masaku a kasashen, da kara dankon zumunci a tsakaninsu.

Wani jami'in kwalejin confucius na jami'ar Moi ya ce, bayan da aka kafa kwalejin confucius, za akokarta wajen yada harshen Sinanci, da yalwata al'adun dinkin tufafi da fasahohin masaku na Sinawa, ta yadda za a sa kaimi ga ci gaban sana'ar masaku a kasar Kenya.(Bako)