Ministan harkokin wajen kasar Sin Wang Yi ya tashi a ranar Asabar zuwa kasar Suise domin halartar wani taron ministoci kan batun nukuliyar kasar Iran.

Za'a bude wannan taro dai a ranar yau Lahadi a birnin Lausanne na kasar Suise, a cewar wata sanarwa ta ma'aikatar harkokin waje.

Wani sabon zagayen shawrawari ya fara a ranar Alhamis tsakaninn Iran da gungun kasashe masu fada a ji kan wannan batu da suka hada da Amurka, Sin, Rasha, Faransa, Ingila da Jamus, domin kokarin cimma wata yarjejeniyar ke nan da karshen wata. (Maman Ada)