Shugaban cibiyar bada ceto ta kasar Indonesia ya bayyana a gun taron manema labaru a ranar 7 ga wata cewa, ma'aikatan aikin bada ceto sun gano jelar jirgin saman kamfanin "AirAsia" da ya fadi ta hanyar daukar hotuna a karkashin teku.
A ranar 7 ga wata, an shiga kwana na 11 wajen neman tarkacen jirgin saman na kamfanin "AirAsia" da ya fadi. Bisa labarin da kamfanin dillancin labaru na Reuters ya bayar, an ce, shugaban kula da aikin neman jirgin saman na kasar Indonesia ya tabbatar da cewa, an gano jelar jirgin saman a tekun Java, kana ya tabbatar da hotunan da aka dauka, domin jelar da aka gano tana dauke da kalmomin "AirAsia" (Zainab)
