Shugaban sashen kula da harkokin jarin waje na ma'aikatar kasuwanci ta kasar Sin Tang Wenhong ya bayyana a ranar 29 ga wata a nan birnin Beijing cewa, Sin tana kiyaye jawo jari daga kasashen waje a shekarar 2014, kana ta kara yin amfani da jarin yadda ya kamata, kuma ana sa ran cewa, yawan jarin da Sin ta jawo a shekarar 2014 zai kai dala kimanin biyan 120.

A lokacin da yake hira da manema labarai a yayin taron ayyukan ciniki na kasar Sin, mista Tang Wenhong ya bayyana cewa, babu canji kan yanayin zuba jari a nan kasar Sin da kwarewar kasar ta bangaren jawo jari, kuma kasar Sin ta fi kwarewa a fannonin tsarin dokoki, yanayin ciniki, kwadago da dai sauransu.

Ban da wannan kuma, Tang Wenhong ya ce, don kara jawo jari daga kasashen waje, kasar Sin tana kokarin kyautata yanayin zuba jari a dukkan fannoni, da samar da yanayin yin ciniki bisa adalci a bayyane domin jama'a. Kana ya kiyasta cewa, Sin za ta kiyaye jawo jari daga kasashen waje a shekarar 2015, da yawan jarin da za ta jawo zai yi daidai da na shekarar 2014. (Zainab)