Akalla mutane hudu ne suka mutu a yayin da 63 suka jikkata a lokacin da wani layin dogo na fasinja ya kaucewa hanyarsa a ranar Lahadi a Bronx a karkarar birnin New York na kasar Amurka, a cewar kafofin watsa labarai na wurin.
Ma'aikatar 'yan kwana kwana ta birnin New York FDNY ta tabbatar da cewa, akalla mutane hudu sun raya rayukansu, kana wasu da dama suna cikin wani mawuyacin hali.
Har wa yau, mutane shida na fama da mummunar kuna, amma da haka rayuwarsu ba ta cikin hadari ba, haka mutane 46 sun ji 'dan rauni.
Jirgin kasan dai ya fita daga hanyarsa a lokacin da yake kusantar tashar layin dogo ta Spuyten-Duyvil dake Bronx a ranar Lahadi da safe da karfe bakwai da rabi bisa agogon wurin, in ji ma'aikatar FDNY tare da bayyana cewa, kusan 'yan kwana kwana dari ne aka tura zuwa inda hadarin ya abku. (Maman Ada)
