Rukunin likitoci na biyu na sojojin kasar Sin dake kasar Saliyo ya kammala aikin horar da likitocin kasar guda 34 a fannin rigakafin cutar Ebola a kwanakin baya, wadanda za su je wurare daban daban na kasar don yaki da cutar.

Bisa bukatun ma'aikatar kiwon lafiya ta kasar Saliyo, rukunin likitoci na biyu na kasar Sin sun dauki nauyin horar da likitocin kasar Saliyo, a yayin da suke gudanar da ayyuka a cibiyar sa ido kan mutanen da ake zaton suna dauke da cutar Ebola da ke asibitin sada zumunta tsakanin Sin da Saliyo. (Zainab)