A jiya Asabar 22 ga wata ne, kakakin ma'aikatar harkokin wajen Sin Hong Lei ya amsa tambayoyin manema labarai kan takardar mai da martani da gwamnatin Japan ta bayar.

Hong Lei ya bayyana cewa, tun asali tsibirin Diaoyu mallakar kasar Sin ne. Gwamnatin Sin tana tsayawa tsayin daka kan kiyaye ikon mallakar yankunanta. Kamata ya yi Japan ta daina duk wasu ayyukan da suka sabawa doka game da ikon mallakar yankun kasar Sin. Kuma Sin ta nuna rashin amincewa ga shugabannin Japan da su kai ziyara a haikalin Yasukuni ta kowace hanya, da fatan Japan za ta waiwayi tarihi game da harin da ta kai sauran kasashen duniya, tare da koyon darasi daga garesu.