Shugaban kasar Kenya Uhuru Kenyatta ya bayyana a ranar Litinin cewa zai halarci a ranar Laraba a wani "taron daidaita kome" na kotun hukunta manyan laifuffuka ta kasa da kasa CPI a matsayinsa na dan adam ba a matsayinsa na shugaban kasa ba, taron da zai taimaka wajen shirye-shiye shari'arsa.
Da yake jawabi a gaban mambobin majalisar dattawan kasar da na 'yan majalisa, mista Kenyatta ya sanar da nada mataimakin shugaban kasar, William Ruto, a matsayin mai maye gurbin a fadar shugaban kasar har sai ya dawo daga birnin Haye. Mista Kenyatta ya kare matakin da ya dauka tare da bayyana cewa yanci da niyyar demokaradiya na 'yan kasar Kenya ba za su zama ba wasu abun fadi ga kotunan waje ba. (Maman Ada)
