Madam Tah ta bayyana hakan ne a taron manema labarai a Monrovia babban birnin kasar a ranar Litinin, inda ta yi amfani da wannan dama wajen godewa shugaba Sirleaf bisa ga damar da ta ba ta domin ta bauta wa kasarta a matsayin ministar shari'ar na tsawon shekaru 6.
Bugu da kari madam Tah ta godewa al'ummar kasar ta Liberia bisa goyon baya da hadin kan da suka nuna mata a tsawon wadannan shekaru.
Tah ta maye gurbin tsohon ministan shari'ar kasar Francis Johnson Allinson wanda ya kasance ministan shari'ar kasar na farko karkashin gwamnatin Sirleaf kana yanzu yake shugabantar hukumar yaki da cin hanci da rashawa ta kasar. (Ibrahim)
