Ranar Alhamis 24 ga wata, a birnin Monrovia, hedkwatar kasar Liberia, an yi bikin sa hannu kan takardar ba da tallafi da kasar Sin take yi wajen yaki da cutar Ebola a Liberia.
A cikin jawabinta a yayin bikin, madam Ellen Johnson-Sirleaf, shugabar kasar ta yaba wa sabon tallafin da kasar Sin ta bayar wajen yaki da cutar. Ta kara da cewa, tallafawin ya sake nuna cewa, har kullum kasar Sin aminiya ce ta gaskiya ga kasarta da ma Afirka baki daya. A daidai lokacin da kasarta ke matukar bukatar kudi da kayayyaki, kasar Sin ta sake ba da taimakon da ya agaza wa Liberia sosai, kuma ya taka muhimmiyar rawa wajen farfado da tattalin arzikin kasarta da sake gina kasar. (Tasallah)
