Wani jami'i a ma'aikatar kiwon lafiyar kasar Congo Kinshasa, ya bayyana wa 'yan jarida a jiya Talata cewa, tuni mutane 35 a kasar sun rasa rayukansu sakamakon kamuwa da cutar Ebola, yayin da kuma wasu karin mutane 14 ke dauke da cutar a halin yanzu.

Ya ce dukkanin mutanen da suka mutu ko aka tabbatar sun kamu da cutar suna zaune ne a yankin Gera dake jihar Equateur ta kasar.

Tun dai ranar 2 ga watan nan na Satumba ne hukumar kiwon lafiya ta duniya, ta bayar da wata sanarwa dake tabbatar da bullar cutar Ebola a kasar ta Congo Kinshasa, ko da yake an ce hakan ba shi da nasaba da yaduwa cutar, a wasu kasashen dake yammacin Afirka a halin yanzu. (Zainab)