A yau Jumma'a 5 ga wata ne, jirgin sama na farko dake dauke da musulmai guda 297 daga yankin Ningxia mai cin gashin kansa na kasar Sin ya tashi daga filin jirgin sama na Yinchuan zuwa birnin Makka, inda za su yi aikin haji. A wannan shekara, gaba daya musulmai guda 2833 a yankin na Ningxia za su tafi birnin Makka don yin aikin haji bisa taimakon gwamantin kasa ta Sin, adadin da ya kasance mafi yawa cikin shekaru da dama da suka gabata.

Kuma musulman da suka tafi birnin Makka a yau ita ce tawaga ta farko daga yankin Ningxia da ta tashi zuwa birnin na Makka.

Dimin samar da sauki ga mahajjatan, ban da ma'aikata, akwai kuma likitoci, masu dafa abinci a cikin tawagar da ta tashi zuwa birnin na Makka a yau, wadanda dukkansu gwamantin kasar Sin ta tanada musu.

Yankin Ningxia na kabilar Hui mai cin gashin kansa, yana daya daga cikin yankuna masu cin gashin kansa na kananan kabilu guda biyar na kasar Sin, inda yawan mazaunan wurin 'yan kabular Hui dake bin addini musulunci ya kai kimanin miliyan biyu da dubu 326. (Maryam)