Rahotanni daga kasar Jamhuriyar demokradiya ta Kongo na bayyana cewa wadanda suka mutu sakamakon cutar Ebola ya zuwa yanzu sun haura daga 13 zuwa 31,kamar yadda mai bada shawara ga ministan kiwon lafiyan kasar Dr Shodu Lomani ya tabbatar.

Dr Lomani a hirar sa da kamfanin dillanci labarai na kasar Sin Xinhua ya ce a da adadin wadanda suka mutu 13 ne sai daga baya aka samu Karin 18 abinda yasa ya zama 31.

Barkewar cutar Ebola dai ya fara ne a Djera wani dan kauye dake yankin arewa maso yammacin gundumar Equateur. (Fatimah Jibril)