in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Sojojin tsaron kasar Iraki sun yi nasarar shiga garin Amirli
2014-09-01 10:45:28 cri
Bangaren soja na kasar Iraki ya bayar da wani labari a ranar 31 ga watan Agusta cewa, sojojin tsaron kasar sun kai hari garin Amirli na jihar Salah ad Din dake arewacin kasar, inda suka yi nasarar shiga garin da dakarun kungiyar IS masu tsattsauran ra'ayi ke rike da shi har na tsawon watanni biyu ko fiye.

Kakakin sojan jihar Salah ad Din ya bayyana cewa, a wannan rana sojojin tsaron kasar Iraki sun yi nasarar shiga garin na Amirli mai nisan kilomita 90 daga gabashin birnin Tikriti bisa taimakon sojojin fararen hula na Shia da dakarun yankin Kurdawa fiye da dubu daya, Kana mayakan saman kasar Iraki da na kasar Amurka na taimaka musu ta sama.

Firaministan kasar Australia Tony Abbott ya bayar da wata sanarwa a ranar 31 ga watan Agusta cewa, bisa bukatar kasar Amurka, kasar Australia ta tsaida kudurin kai makamai ga arewacin kasar Iraki ta jiragen sama.

Ita ma gwamnatin kasar Jamus ta tsai da kudurin a ranar 31 ga watan Agusta don samar da makamai masu linzami na yaki da tankokin yaki da kuma bindigogi da dama ga Kurdawa dake arewacin kasar Iraki don yaki da kungiyar IS. (Zainab)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China