An samu sabbin bayanai na wadansu mutane 2 da suka kamu da cutar Ebola a Najeriya,inda cutar yanzu haka ta hallaka mutane 5 inji ministan kiwon lafiya Onyebuchi Chukwu ranar jumma'an nan.

Jami'in na Najeriya yace sabbin wadanda suka kamu da cutar iyalan jami'an kiwon lafiyan nan ne da suka duba Patrick Sawyer Dan asalin kasar Liberiya da ya fara shigowa da cutar a kasar.

Wadannan sabbin kamun na ebola an masu gwajin da ya nuna suna dauke da kwayar cutar kamar yadda Mr Chukwu yayi ma manema labarai bayani a Abuja babban birnin tarayyar kasar.(Fatimah Jibril)