Mamban majalisar gudanarwar kasar Sin mista Yang Jiechi ya gana da ministan harkokin wajen kasar Sudan ta Kudu Barnaba Marial Benjamin a nan birnin Beijing ranar Laraba 20 ga wata.

A lokacin ganawar mista Yang ya ce kasar Sin na fatan ganin sassan kasar Sudan ta Kudu dake arangama da juna za su nace ga bin yarjejeniyar tsagaita bude wuta da suka kulla, da kokarin gudanar da shawarwari, ta yadda za a maido da zaman lafiya da kwanciyar hankali a kasar cikin sauri.(Bello Wang)