Tashar ruwan birnin Abidjan na kasar Cote d'Ivoire ta dakatar da shigowar jiragen ruwan dake fitowa daga kasashen dake fama da cutar Ebola, a wani labari da kamfanin dillancin labarai na Xinhua ya samu daga wata majiya mai tushe daga hukumomin tashar ruwan. Labarin na nuna cewa, hukumomin tashar ruwan sun jaddada cewa duk wani marasa lafiya dake nuna alamu irin na cutar Ebola a cikin jirgin ruwa, ya zama dole a sanar da hukumomin tashar ruwan Abidjan da za su iyar tantance fa'idar barin jirgin ruwa shigowa, duk ma daga inda ya fito. Babu wani nau'in cutar Ebola da aka gano a kasar Cote d'Ivoire, amma duk da haka kasar na cikin shirin ko ta kwana. (Maman Ada)