Cikin wata sanarwa da ya fitar, kakakin kungiyar ta Hamas Sami Abu Zuhri ya ce kungiyarsa ba ta da tabbashi kan kalaman mahukuntan Isra'ila, don haka ya ce kamata ya yi falasdinawa su yi hattara game da wannan batu na tsagaita wutar.
Tun da fari dai ma'aikatar tsaron Isra'ila ta bayyana tsagaita bude wutar ne a mafi yawan yankunan dake zirin Gaza, bisa abin da ta kira bada damar shigar da kayan agajin jin kai, tun daga karfe 7 na safe ya zuwa karfe 4 na yammacin ranar Litinin. (Zainab)
