Hong Lei, kakakin ma'aikatar harkokin waje ta kasar Sin, ya yi bayani kan sace wasu ma'aikatan kamfanin kasar Sin da wasu dakaru suka yi a Kamaru, a ranar 20 ga wata, inda ya ce kasar Sin tana kokarin musayar bayanai tare da Kamaru da wasu sauran kasashen da lamarin ya shafa. Haka zalika kasar Sin ta bukaci gwamnatocin kasashen da su dauki takamaiman matakai don tabbatar da tsaron lafiyar Sinawa da kamfanonin kasar Sin da ke wadannan kasashen. (Bello Wang)