Wata sanarwar hadin gwiwa da mahukuntan Sin da Najeriya suka fitar a ranar Alhamis din nan, ta bayyana aniyar sassan biyu ta zurfafa dangantakarsu a fannin siyasa, ciki hadda batun fadada hadin gwiwa wajen tinkarar batutuwan shiyya-shiyya da na kasa da kasa.

Bugu da kari sassan biyu sun ayyana aniyar ci gaba da ziyara, da tuntubar juna, domin tabbatar da dorewar hadin kai da fahimtar juna tsakaninsu.

An dai cimma wannan kuduri ne a ci gaba da daddale yarjeniyoyi da firaministan kasar Sin ya yi da mahukuntan kasar, yayin ziyarar aiki da yake yi a Najeriyar.

Mahukuntan Najeriyar dai sun jaddada kudurinsu na marawa manufofin kasar Sin baya, yayain da bangaren Sin ke bayyana fatan ci gaba da tallafawa Najeriya wajen kare ikon mulkin kan ta, da tsaro da kuma bunkasar tattalin arziki.