Hukumomi a Najeriya sun bayyana cewa,a kalla mutane 9 ne suka halaka kana aka garzaya da wasu 11 cikin halin rai kwakwai mutu kwakwai zuwa asibitoci daban-daban da ke Abuja fadar gwamnatin kasar,sakamakon wani bam din da ya fashe ranar Alhamis da dare a wajen birnin na Abuja.

Hukumar bayar da agajin gaggawa ta kasar(NEMA) da masu sanye da kayan sarki, sun bayyana cikin wata sanarwar hadin gwiwa cewa,sun kwashe gawawwakin mutane 9 a wurin da lamarin ya faru, yayin da mutane 11 da suka jikkata ke samun magani a asibitoci.

A wani sakon da ta aike wa 'yan Najeriya,hukumar ta NEMA ta tabbatar da cewa, fashewar ta auku ne a kusa da yadda aka kai harin bam din kunar bakin wake kwanakin baya a unguwar ta Nyanya,inda sama da mutane 75 suka mutu kana wasu 124 suka jikkata.

Ya zuwa yanzu dai babu wanda ya dauki alhakin kai wannan hari.(Ibrahim)